Dat löpp, wenn man sick dröpp!
Textauszug aus S. 51
Man mott nich aals daun, wat mann kann!
Vör kortens fäuhert Inge, Mia un Kerstin mit ´n Landfrauenverein acht Daoge up Tour. Dei Dreie häbbt dat in Huus un Gorn aaltied aals akraot. Un so kriegt ehre Mannslüe uck för disse Tied genaue Order för Huus un Gorn. At Willi, Benno un Frank ehre Fraulüe in Bus naowinket, sünd sei heller gaut taufräe. “In disse Wäken laot ´t wi dat sinnig angaohn. Nu häbbt wi Tied för us: Radfäuhern, Kortenspälen, Golfen, Tennis” frait sick Benno. “Wi fäuhert uck ein Dag mit ´n Zug nao Brämen”, fallt dat Willi in. “Ick schlaog vör, wi beseuk us nu jeden Aobend gägensietig, spält Korten un kümmelt us wecke, bit wie hackeduun sünd,” lacht Frank all äöwermäutig. “Aobends vull, morgens null” settet Benno nao. Aower! Flaitkepieken! At sei nao Huss kaomt, ligg up´n Käökendischk ein Zädel it Upgaowen. Wäkenplaon!…
Textauszug S. 26:
Marie-Sophie is alltied bäten pimpelig un bange, wenn sei nao´n Dokter mott.
Sei häff´nen leipen Haußen un Feiwer. “Herr Dokter”, fraogt sei: “Häbbt dei Pillen uck Nebenwirkungen?” “Jao! Wisse doch! Du kanns all tauken Wäken wedder arbeiten”, gnifflachter hei ehr tau.
Dor kanns du nicks up an!
Textauszug aus S. 41
Vör Gericht un up Sei bis du faoken in Gottes Hann’n
Sämbzig Johr is use Grundgesetz 2019 worn. Wi schulln un mäöt hütdaogs aale dankbor un taufräe wän, dat wi dat häbbt. För 70 Johr jankten wi nao Fraie, Äten un Arbeit. Un 70 Johr läöter sind wi riewhannig un vermaoklick. Aower eins is bläwen: Dat Gesetz is för aale gliek. Wecker Leipes dait: Inbräken, Klauen, Hauen un mit ’nen Mest tausteck off mit ’n Gewehr schütt, dei kummp vörn Kadi un villicht för Johre in ’t Kittken.
Faoken häbbt dei Richter dat nich licht. Sei mäöt jao dei Wohrheit rutfinnen un ein gerechtet Urdeil maoken. Aower uck dei Advokaten helpt dorbi. Mangers willt dei Mandanten nich umliek.
So güng dat uck maol ein’n jungen Advokaot. Do frög üm dei Mandant: „Schall ick den Richter nich bäter vörher einen Reihbraoen taukaomen laoten?“ „Bis du malle! Laot dei Finger dorvan! Dann verleist wi wisse dien Prozess.“ Dei Saoke stünd nämlick nich gaut för den Mandanten. Aower vör Gericht un up Sei bis du jao in Gottes Han’n, sägg man woll so dörn Dag.
Kienein har dormit räket. Dei Prozess wüdd wunnen. Buuten uppe Treppen vör dei Dörn van ’t Gericht, sä dei Mandant ganz driest: „Jao, so is et! Wenn ick den Richter nich in Naom van mien Gegner ein’n Reihbraoen henschicket har, well weit, off du dann den Prozess uck wunnen hars.“
Dat gaiht doch glatt bitau
Sei kreegen sick bold anne Köppe
Bi us wedd bauet un bauet. In dei groten Hüser, wecke sünd all „Wohnanlaogen“, dor waohnt woll taihn Familjen, Singels off Poore, mit un aohne Kinner, wecke uck mit off aohne Katten un Hund. In disse groten Hüser giff dat mangers licht Kabbeleien un Spektaokel. So was dat uck lessens in eine neie Wohnanlaoge. Dor harn sick bold tweie anne Köppe krägen.
In so ‘ne Wohnanlaoge waohnten dei Schaulmester Augustinus Holtfeld und genau dorünner dei Busfohrerin Elfriede Janssen.
Schaulmester Holtfeld har noch laote ein’n Krimi bekäken. Jüss was hei in sien’n Bedde inschlaopen. Do pingelde dat an siene Wohnungsdörn: Sturm. Un dat nachts üm drei Uhr!…
* * * * *
Textauszug aus S. 18
Veiertig Daoge nao Ostern is Christi Himmelfohrt. Dat is ein Fierdag. Un an dissen Fierdag is ein Buur mit sien Trecker up’n Land taugange. Dat sütt dei Pastor. Hei hollt mit sien Auto an un ropp den Buur tau: „He, Gottfried, vandaoge is doch Christi Himmelfohrt.“ „Dat maokt nicks“, ropp Gottfried luut trügge. „Ick fäuher nich mit!“
Dat kuummp aals an ‘n Dag!
Textauszug aus S. 47
Silke staiht anne Kasse in’n Supermarkt un sägg tau dei Kassiererin: „Gistern häss du di üm taihn Euro verseihn!“ – „Dat hars du fortsen säggen mösst. Nu kann ick di dat Geld nicht mehr gäwen“, sä dei Kassiererin. „Oh, super!“ straohlde Silke äöwert ganze Gesicht, „dann beholl ick äben dei taihn Euro.“
„Ein wunderschönes Kinderbilderbuch ,wo Tiere Gesichter haben.“
Auszüge und Bilder aus dem plattdeutschen Bildergeschichtenbuch:
„Goos Adelheid gaiht up Weltreise“
(in allen Buchhandlungen erhältlich)
Dor wör maol `ne Goos. Dei heet Adelheid. Sei har sess Gösken, dat eine noch fiener un weiker at dat ännere. Eines gauen Daoges güngen sei los up Weltreise…
Aobends kröpen sei bi Mama ünnere Fern. Dei Katte schlöp uck, blots dei Poggen nich.
Dat was pickdüster. Vör den Foss har Adelheid masse Angst. Knackde dor wat?